Пажар на фанерна-запалкавым камбiнаце

Выратавальнiкi лiквiдавалi ўчора пажар на Гомельскiм фанерна-запалкавым камбiнаце. Паведамленне аб узгараннi паступiла ў абедзенны час, паведамiлi БЕЛТА ў прэс-службе Гомельскага абласнога ўпраўлення МНС. На месца выклiку былi накiраваны пажарныя разлiкi i спецыялiзаваная тэхнiка. Паводле папярэдняй iнфармацыi, загарэлiся шчэпкi, якiя складзiравалiся на тэрыторыi прадпрыемства. Плошча пашкоджання агнём дасягнула 200 кв.м. Пацярпелых няма. Пажар быў лакалiзаваны. Пагрозы ўзгарання вытворчых будынкаў i збудаванняў няма.