Дачнік у Стахоўцах Мядзельскага раёна знайшоў снарад

У вёсцы Стахоўцы Занарачанскага сельсавета 3 жніўня 37-гадовы жыхар Занарачы знайшоў артылерыйскі снарад часоў Вялікай Айчыннай вайны. Паводле інфармацыі прэс-службы міліцыі Мінскай вобласці, у Стахоўцах мужчына займаўся землянымі работамі на тэрыторыі свайго дачнага ўчастка. Артылерыйскі снарад дыяметрам 150 міліметраў ён знайшоў вечарам. У міліцыю звярнўся ў 19 гадзін 30 хвілін.
На месцы знаходкі выставілі ахову і выклікалі з Мінску сапёраў, якія абясшкодзілі снарад.
Сяргей ЗЯНЬКО.