Экскаватар загарэўся падчас палявых работ пад Вілейкай

Экскаватар загарэўся 12 мая падчас палявых работ каля вёскі Жаўткі Любанскага сельсавета. Узгаранне адбылося ў маторным адсеку. Вадзіцель экскаватара не пацярпеў.

Пра здарэнне ў інтэрв’ю “РГ” паведаміў інспектар дзяржаўнага пажарнага нагляду райаддзела па надзвычайных сітуацыях Дзяніс Шапшалевіч. Паводле яго слоў, пра пажар у 11 гадзін 24 хвіліны паведаміў кіроўца трактара, які працаваў побач.

У выніку пажару выгарала кабіна экскаватара. Вадзіцель да медыкаў за дапамогай не звяртаўся.