У Маладзечна пасля гульні ў боўлінг памерла 34-гадовая жанчына

Учора, 3 мая, вечарам у спартыўна-забаўляльным комлексе ў зале для гульні ў боўлінг паслізнулася і ўпала 34-гадовая жанчына. Пасля падзення яна памерла па дарозе ў бальніцу.

Пра гэта ў інтэрв’ю “РГ” паведаміў следчы па асабліва важных справах раённага аддзела Следчага камітэта Сяргей Сяляўка. Паводле яго слоў, здарэнне адбылося каля 22 гадзін. Пацярпелай выклікалі “хуткую дапамогу”. Дактары не паспелі давезці жанчыну да бальніцы. Яна памерла ў машыне.