Гаспадар прыватнага дома ў Маладзечна і яго дачка атруціліся чадам

У прыватным цагляным доме на адной з вуліц Маладзечна 29 сакавіка каля 12 гадзін суседка знайшла мёртвымі 66-гадовага гаспадара і яго 38-гадовую дачку. Папярэдняя прычына смерці – атручанне чадам.

Цела гаспадара ляжала на канапе, яго дачкі – у душавой кабіне санітарнага вузла, паведамляе прэс-служба Мінскага абласнога ўпраўлення па надзвычайных сітуацыях. Паводле гэтага паведамлення, дом ацяпляўся газавым катлом.

У гаррайаддзеле па надзвычайных сітуацыях расказалі нашаму выданню: нічога дрэннага пра жыхароў дома суседзі сказаць не могуць. Сям'я была забяспечаная. Абсталяванне па ацяпленні дома – імпартны кацёл. Магчымая прычына трагедыі – няспраўнасць вентыляцыі.

Паводле інфармацыі гаррайаддзела па надзвычайных сітуацыях, у Маладзечне створаная камісія па ўстанаўленні дакладных прычын гэтай трагедыі.