Кантрабандныя ружы

На міжнародным аўтадарожным пункце пропуску "Казловічы" праводзіўся мытны агляд аўтамабіля, які перавозіў свежыя кветкі з Чэхіі ў Расію.

Больш за 100 тысяч ружаў, хрызантэм, гваздзікоў вагой каля 10 тон былі як след аформлены і задэклараваны. Але пільныя супрацоўнікі Брэсцкай мытні з дапамогай сучаснай тэхнікі праверылі колькасць тавару. Аказалася, што больш за 13 тысяч свежазрэзаных кветак перасякаюць мяжу незаконна. Таму ў пункт прызначэння рушыў толькі той тавар, які быў заяўлены ў суправаджальных дакументах. Кантрабанда канфіскавана.

Яна СВЕТАВА.