У Гродне загарэўся дызельны мікрааўтобус

1 лютага а 7-й раніцы на вуліцы Кабяка ў Гродне гарэў мікрааўтобус, паведамляе Gaigrodno.by. Каб пазбегнуць узгарання іншых аўто, супрацоўнікі ДАІ перакрылі вуліцу.

Языкі полымя, якія ахапілі "Форд-Транзіт", былі бачныя за сотні метраў, і агонь мог перакінуцца на іншыя машыны. Каб пазбегнуць гэтага і дапамагчы пажарным, супрацоўнікі ДАІ на кароткі час абмежавалі рух на гэтым участку вуліцы.

Як высветлілася, кіроўца дызельнага "буса" не змог самастойна запусціць рухавік і папрасіў іншага аб дапамозе. Той "пацягаў" мікрааўтобус туды-сюды, і з’ехаў, а "Форд" ледзь паспеў завесціся, як пасля хлапка пад капотам загарэўся.

Лента Новостей ТОП-Новости Беларуси