Гінуць у агні

У в. Прылукі (Брэсцкі раён) позна вечарам загарэўся дом па вул. Лугавой.

Калі прыехала падраздзяленне МНС, дом быў поўнасцю ахоплены полымем. У агні загінулі пенсіянеры — гаспадар з жонкай, а вось маладыя — сын з жонкай і ўнук — паспелі выратавацца.

Магчымая прычына пажару — парушэнні, дапушчаныя пры эксплуатацыі печы.

Давялося тушыць пажар і ў кватэры па вул. Майскай у Пінску. З агнём да прыезду пажарных справіўся сусед, але выратаваць гаспадара кватэры і яго сына не ўдалося.

Агнём быў пашкоджаны ложак, а гэта дае падставу меркаваць, што пажар узнік ад курэння.

Сымон Свістуновіч.