Акцыя ДАІ "Разам да ўзаемаразумення!"

Сёння, 27 студзеня, Дзяржаўтаінспекцыя ладзіць адзіны Дзень бяспекі дарожнага руху пад дэвізам "Разам да ўзаемаразумення!".

Пра гэта паведамляе сайт УУС Мінаблвыканкама.

Паводле інфармацыі абласной міліцыі, галоўнымі прычынамі дарожна-транспартных здарэнняў у 2011 годзе былі недысцыплінаванасць і парушэнні правілаў перавагі ў дарожным руху. ДАІ Мінскай вобласці заклікае да самадысцыпліны і узаемапавагі. Супрацоўнікі ДАІ будуць ладзіць прафілактычныя рэйды па выяўленні і папярэджанні так званых "агрэсіўных" парушэнняў правілаў дарожнага руху – ліхацтва, парушэнняў правілаў абгону і непрапусканне пешаходаў.

Падрыхтавала Святлана ЦІШКО.