З фермы ў Вілейскім раёне скралі карову

У ноч з 27 на 28 снежня жыхар вёскі Геркі скраў з фермы карову і прывёў у свой хлеў.

Аб прапажы каровы вагой больш за 500 кг у міліцыю паведаміў дырэктар ААТ "Алая заря", якому належыць ферма ў вёсцы Лявонавічы. Урон папярэдне быў ацэнены ў 7,7 мільёна рублёў.

Паводле інфармацыі намесніка начальніка вілейскага РАУС Андрэя Дударчыка, следчая група ўстанавіла, што 27 снежня амаль у 00 гадзін на ферму прыйшоў 45-гадовы раней судзімы жыхар вёскі Геркі. Ён забраў карову, прывёў яе ў суседнія Геркі і паставіў у свой хлеў. Падазронага затрымалі. Карову вярнулі на ферму.

Узбуджаная крымінальная справа.