Былы наркадзялок вынес с крам Валожына жавальных гумак больш чым на мільён рублёў

Жавальныя гумкі на суму больш за 1 мільён 200 тысяч рублёў украў у Валожыне ў магазінах “Асарці” і “Мінскі край” 24-гадовы мінчанін, раней судзімы за незаконны абарот наркотыкаў. 26 лістапада ўзбуджаная крымінальная справа.

Паводле інфармацыі аддзялення інфармацыі і грамадскіх сувязяў абласной міліцыі, здарэнне адбылося 13 лістапада. З магазіна “Асарці” зламыснік вынес гумак на 619 тысяч рублёў, з магазіна “Мінскі край” – на суму 626 тысяч.