Незарэгістраваныя "ствалы" канфіскавалі

У межах аператыўна-прафілактычных спецыяльных комплексных мерапрыемстваў "Арсенал" канфіскавана 561 адзінка зарэгістраванай зброі, выяўлена 137 незарэгістраваных "ствалоў" і звыш 3 тысяч боепрыпасаў рознага калібру. Заведзена каля 50 крымінальных спраў і выяўлена 384 парушэнні адміністратыўнага заканадаўства. Так, у жыхара Гродна быў знойдзены абрэз карабіна "Лебеля" калібру 8 мм і ствол калібру 7,62 мм. Разам з тым добраахвотна было здадзена 485 адзінак незарэгістраванай зброі. У Аршанскі РАУС мясцовы жыхар прынёс пісталет-кулямёт канструкцыі Шпагіна калібру 7,62 мм. А ў Докшыцах мужчына перадаў міліцыі рэвальвер сістэмы "Наган".

Святлана БАРЫСЕНКА.