Захрасла ў поручнях

У Мінску чарговае здарэнне з дзіцем: выратавальнікі зноў вызвалялі "з палону" нагу дзяўчынкі, якая захрасла ў поручнях металічнай горкі.

Пра сітуацыю ў двары аднаго з дамоў па вуліцы Цімашэнкі ў 17 гадзін у цэнтр аператыўнага ўпраўлення пры Мінскім гарадскім упраўленні МНС паведаміла выпадковая сведка. На месца быў накіраваны аўтамабіль хуткага рэагавання і брыгада хуткай медыцынскай дапамогі. У пацярпелай — Аляксандры, 2006 года нараджэння — захрасла правая нага. Пасля вызвалення яе "з палону" дзяўчынка ў шпіталізацыі патрэбы не мела.

Сяргей РАСОЛЬКА.