Выратавалі маці з маленькім сынам

Пра пажар у кватэры па вуліцы Чарняхоўскага ў Віцебску ў 3.45 у мясцовае падраздзяленне МНС паведаміла суседка.

Ахопленыя полымем вокны на чацвёртым паверсе пяціпавярховага жылога дома, моцна задымлены пад'езд — такую карціну ўбачылі выратавальнікі, якія былі на месцы здарэння праз тры хвіліны. З апошняга паверха яны выратавалі жанчыну з аднагадовым сынам, яшчэ пяць чалавек эвакуіравалі. Як мяркуецца, прычына пажару — кароткае замыканне халадзільніка.

Сяргей РАСОЛЬКА.