11 аўтамабіляў пацярпелі ў Гродне ў час навальніцы

У выніку парывістага ветру, скорасць якога дасягала 20 м/c, шэсць паваленых дрэў пашкодзілі 11 аўтамабіляў. У асноўным машыны былі прыпаркаваны ў дварах і на выездзе з іх. Усяго ж у абласным цэнтры было зламана і выкарчавана з коранем больш за дзясятак дрэў.

У МНС падкрэслілі, што пры навальнічных папярэджаннях катэгарычна не рэкамендуецца паркаваць аўтамабілі паблізу дрэў, ліній электраперадачы, слабаўмацаваных канструкцый.Белта.