Прыбіральшчыца знайшла ў электрычцы 49 баявых патронаў

Прыбіральшчыца знайшла ў вагоне электрычкі Мінск—Стоўбцы 49 патронаў калібра 5,6 мм, паведаміў БЕЛТА прэс-сакратар УУС на транспарце МУС Аляксандр Марчанка.

Боепрыпасы здадзены ў Баранавіцкі АУСТ. Назначана экспертыза. Высвятляецца, як боепрыпасы трапілі ў электрапоезд. Міліцыя нагадвае, што такія знаходкі трэба адразу здаваць у органы ўнутраных спраў. Добраахвотная здача зброі і боепрыпасаў вызваляе ад крымінальнай адказнасці.