У злачыннай групы канфіскавалі 1,8 млрд рублёў

Цяпер затрыманы 5 удзельнікаў групы, якія абвінавачваюцца ў незаконнай прадпрымальніцкай дзейнасці. Каардынаваў іх дзейнасць 28-гадовы жыхар Магілёва.Ужываліся меры канспірацыі: мяняліся месцы сустрэч з кліентамі, набываліся розныя СІМ-карты і тэлефонныя апараты.

Група выкарыстоўвала разліковыя рахункі і дакументы з рэквізітамі шматлікіх падкантрольных камерцыйных арганізацый і індывідуальных прадпрымальнікаў.

Абарот сродкаў сёлета склаў ужо больш за 20 мільярдаў рублёў. Толькі ў момант затрымання адзін з выканаўцаў меў пры сабе больш за 300 мільёнаў беларускіх рублёў, якія прызначаліся для чарговага кліента. Кліентамі групы былі як суб'екты гаспадарання розных формаў уласнасці, так і фізічныя асобы.

Падчас вобыскаў былі знойдзены 70 мільёнаў беларускіх рублёў, 108 тысяч долараў. Арыштаваны на разліковых рахунках 870 мільёнаў рублёў. Увогуле, паводле інфармацыі УДФР КДК Магілёўскай вобласці, канфіскавана надзвычай буйная сума грошай — 1,8 мільярда рублёў.

Ул. інф.