Раскамплектавалі 4 электрарухавікі

непрацуючы жыхар Рагачова і рабочы мясцовага лясніцтва. Праз адтуліну ў даху яны прабраліся ў склад для захоўвання насення сельгаспрадпрыемства "Зарэчча" ў вёсцы Кашара Рагачоўскага раёна. Там мужчыны знялі абмотку меднага дроту з рухавікоў. Метал заважыў 45 кг, а шкода ацэнена на суму амаль Br0,5 млн. Выкрадзенае канфіскавана.

Ірына АСТАШКЕВІЧ.

Не размінуўся з дрэвам

Каля в. Яловая (Ганцавіцкі раён) жыхар в. Раздзялавічы п'яным ехаў на аўтамашыне "Аўдзі", не справіўся з кіраваннем і ўрэзаўся ў дрэва. Кіроўца быў траўмаваны і апынуўся ў бальніцы, а пасажыр, жыхар гэтай жа вёскі, загінуў.

Забралі ключы і...

Позна вечарам на вул. Пралетарскай у Баранавічах прадавачку прыватнага кіёска сустрэлі двое наглядна знаёмых, збілі яе і забралі ключы. Затым адчынілі гандлёвы кіёск, прыхапілі ўсе наяўныя грошы і яшчэ прадуктаў. Нарад міліцыі затрымаў рабаўнікоў. Імі аказаліся беспрацоўныя жыхары горада 17 і 18 гадоў.

Сымон Свістуновіч.

Непрыемнасць з дыпламатам

Магілёўскі пенсіянер забыўся ў тралейбусе чамадан-дыпламат з асабістымі рэчамі і харчамі.

Трывожнае паведамленне ў міліцыю паступіла ад кандуктара тралейбуса, якая знайшла дыпламат. На прывакзальную плошчу, канцавы прыпынак тралейбуса, выехалі ўсе службы. Пакуль чакалі сапёраў, знайшоўся рассеяны гаспадар. Ён растлумачыў, што ехаў на лецішча і ўвесь быў у думках пра сяўбу. Калі сапёры праверылі дыпламат, мужчыну з маёмасцю адпусцілі.

Ул. інф.

Тытунь застаецца нам

Брэсцкія памежнікі падчас агляду грузавога цягніка "Брэст—Мілашэвічэ", які накіроўваўся ў Польшчу, на метровай глыбіні пад бярвеннем знайшлі 300 блокаў цыгарэт "Магнум".

Кантрабанду канфіскавалі.

Сымон Свістуновіч.