У вагоне з Ніцы — з нажом

У вагоне цягніка, які з Ніцы накіроўваўся ў Маскву, супрацоўнікі Аршанскай транспартнай міліцыі затрымалі беспрацоўнага жыхара Віцебска, які нажом параніў грамадзяніна Украіны.

37-гадовы нецвярозы пасажыр пачаў хуліганіць і прыставіў нож да шыі 30-гадовага ўкраінца, параніў яму руку. Хулігана затрымалі і змясцілі ў следчы ізалятар. Заведзена крымінальная справа.

Аляксандр ПУКШАНСКІ.