Ляцелі праз мяжу штаны і курткі

Пінскія памежнікі перахапілі партыю кантрабанды, якая... ляцела праз мяжу. Невядомыя перакідалі баулы, сумкі, скруткі праз кантрольна-следавую паласу з боку Украіны. Заўважыўшы памежны патруль, яны паспрабавалі забраць свой тавар, але не паспелі, рызыкаваць не сталі і ўцяклі ў лес на ўкраінскі бок. А больш за паўтара дзясятка скруткаў з адзеннем імпартнай вытворчасці перададзена на мытню.

Жыхар вёскі Селішча Пінскага раёна нідзе не працаваў, злоўжываў спіртным і не раз адбываў пакаранне. Дома ён толькі тэрарызаваў сям'ю і "выбіваў" грошы з жонкі на выпіўку. Вось і ў той ракавы вечар прыйшоў дадому п'яны і стаў патрабаваць грошы. У нейкі момант 31-гадовая жанчына схапіла кухонны нож і нанесла ўдар у вобласць сэрца мужа. Ён паваліўся мёртвы. Міліцыю выклікала яна сама...

Яна СВЕТАВА.