"Свінячая" афёра

Жыхар г. Чэрыкаў (Магілёўская вобласць) працаваў на прыватным прадпрыемстве намеснікам дырэктара і, выкарыстаўшы сваё службовае становішча, правярнуў афёру. У кошт узаемаразлікаў ён атрымаў на ААТ "Драгічынскі камбікормавы завод" 25 свіней і па фальшывых дакументах прадаў іх. Частку грошай (4 300 000 рублёў) паклаў у сваю кішэню.

Сымон Свістуновіч.

У Віцебску ў маршрутным аўтобусе ў 53-гадовай мясцовай жыхаркі з сумачкі скралі кашалёк, у якім былі 280 тысяч рублёў. Жанчына заявіла ў міліцыю, кішэнніка затрымалі. На злачынства пайшла 30-гадовая беспрацоўная жыхарка райцэнтра Талачын.

Аляксандр ПУКШАНСКІ.