Пажар у менскім інтэрнаце

Каля 80 чалавек былі эвакуяваны сёння раніцай з інтэрната на вуліцы Батанічнай у Мінску, паведаміў прэс-сакратар Мінскага гарадскога ўпраўлення МНС Віталь Дзямбоўскі.

Праз пажар у адным з пакояў эвакуявалі жыхароў 4-га і 5-га паверхаў. Агонь пашкодзіў маёмасць на плошчы 5 кв.м. Прадухіліць пажар дапамаглі аўтаномныя пажарныя паведамляльнікі, уключаныя ў сістэму сігналізацыі.

Супрацоўнікі МНС цалкам патушылі агонь і выратавалі гаспадара, які быў шпіталяваны з апёкамі 5% цела. Прычына пажару пакуль не вядомая.