П’яны кіроўца маршруткі не прачнуўся нават пасля здзейсненага ДТЗ

Як паведаміў старшы інспектар па агітацыі аддзела ДАІ Маскоўскага РУУС Дзмітрый Максюта, 19 лістапада ў 10.10 у Мінску на скрыжаванні вуліц Рафіева і Ясеніна адбылося ДТЗ з удзелам маршрутнага таксі і тралейбуса.

Паводле папярэдніх звестак, кіроўца маршруткі знаходзіўся ў стане моцнага алкагольнага ап’янення.

Пасля ДТЗ супрацоўнікі міліцыі не змаглі яго пабудзіць і з «алкагольным» дыягназам накіравалі ў шпіталь.

У маршрутным таксі людзей не было. У тралейбусе пасажыры не пацярпелі.