Жыхарка Пінскага раёна разарвала двухмесячнаму сыну селязёнку

motto.net.ua

Жыхарка адной з вёсак Пінскага раёна падазраецца ў прычыненні цяжкага цялеснага пашкоджання свайму двухмесячнаму сыну.

У дачыненні да 29-гадовай жанчыны пракуратурай Пінскага раёна распачата справа па п.1 ч.2 арт.147 Крымінальнага кодэкса (наўмыснае прычыненне цяжкага цялеснага пашкоджання заведама малалетняй асобе).

Свае дзеянні яна тлумачыць тым, што не магла супакоіць немаўля, якое моцна плакала, і ўдарыла яго рукой.

Пасля таго як хлопчыку стала дрэнна, жанчына патэлефанавала маці. Тая прыйшла да дачкі і выклікала мясцовага фельчара. Пасля гэтага дзіця шпіталізавалі ў Пінскую гарадскую бальніцу. У хлопчыка — разрыў селязёнкі (касы), яму зроблена аперацыя.

У жанчыны — двое малых дзетак.