На трасе Мінск — Гродна згарэў турыстычны аўтобус

Сёння ўначы, каля 3-й гадзіны, на трасе Мінск — Гродна за 10 км ад Шчучына аўтобус Mercedes-Benz сытукнуўся з цягачом, які буксіраваў аўтацягнік Volvo з паўпрычэпам.

Пасля гэтага аўтобус, у якім ехалі 40 пасажыраў, загарэўся і выгарэў цалкам.

Шпіталізаваныя тры чалавекі.

Паводле папярэдняй інфармацыі ДАІ, аўтобус ехаў з Мінска на гарадзенскі рэчавы рынак «Паўднёвы».