П'яны на «Мерсэдэсе» выехаў на сустрэчную і сутыкнуўся з «Фіятам»

ДТЗ адбылося ўчора каля 17:50 у Жодзіне, паведамілі ва УДАІ МУС. «Мерсэдэс» выехаў на сустрэчную і лоб у лоб сутыкнуўся з «Фіятам».

За рулём апошняга знаходзіўся 47-гадовы мужчына. У аварыі ён не пацярпеў, расказалі ў ДАІ Мінскай вобласці. А вось кіроўца «Мерсэдэса» атрымаў траўмы і быў шпіталізаваны. Паводле папярэдняй інфармацыі, ён знаходзіўся ў стане алкагольнага ап’янення.

Усяго ў панядзелак адбылося 17 ДТЗ з пацярпелымі, у якіх 4 чалавекі загінулі і 17 былі параненыя. За кіраванне транспартным сродкам у стане алкагольнага ап’янення затрыманы 141 кіроўца.