Уначы 4 кастрычніка невядомы мужчына патэлефанаваў у міліцыю і паведаміў, што на тэрыторыі мемарыяльнага комплексу «Брэсцкая крэпасць-герой» закладзена выбуховая прылада.

Сапёры тут жа адправіліся абследаваць тэрыторыю комплексу, дзе заўсёды шмат турыстаў. Але ніякіх выбухованебяспечных прадметаў не было выяўлена. Затое высветлілі асобу «мінера». Ім аказаўся 26-гадовы берасцеец, які нідзе не працуе. Яго дзеянні падпадаюць пад артыкул 340 Крымінальнага кодэкса (заведама ілжывае паведамленне аб небяспецы).