Вайсковы самалёт разбіўся пад Ганцавічамі

У авіякатастрофе разбіўся МіГ «Спарка» з Баранавіцкай ваеннай авіябазы. Абодва лётчыкі‑афіцэры загінулі.

Адзін з іх зусім нядаўна паспеў ажаніцца. Лётчыкі — лейтэнант і падпалкоўнік месяц таму перавяліся з вайсковай часткі Бярозы, якая будзе расфармаваная. У сувязі з трагедыяй праводзіцца праверка.

У мясцовым МНС сітуацыю не каментуюць. Еўрарадыё стала вядома толькі тое, што самалёт разбіўся па‑за межамі населенага пункта і не закрануў ніякіх пабудоў.