Адразу дзве машыны збілі школьніцу ў Мінскай вобласці

Дзве машыны збілі школьніцу ў горадзе Узда 17 верасня.

Вучаніца 9 класа (1996 года нараджэння) адной са школ пераходзіла дарогу па нерэгуляваным пешаходным пераходзе на вуліцы Савецкай прыкладна, а 21-й.

Яе збіў легкавы аўтамабіль «Ровер», пасля чаго дзяўчыну адкінула на сустрэчную паласу, дзе на яе наехаў «Форд». Школьніца памерла на месцы.

У ДАІ адзначылі, што ўчастак дарогі быў асветлены, аднак кіроўцам трэба быць уважлівымі паблізу пешаходных пераходаў. А пешыя удзельнікі руху заўсёды павінны пераканацца, што іх прапускаюць, калі яны збіраюцца ісці па «зебры».