У Віцебску асуджаныя двое мужчын, якія летась зрабілі налёт на банк

У Віцебску асуджаныя двое мужчын, якія ў мінулым годзе абрабавалі банк у пасёлку Капці. У чорных масках яны ўварваліся ў банк, збілі касірку і забралі больш за 20 мільёнаў рублёў. 

Адзін са злачынцаў мусіць правесці ў месцах зняволення сем з паловай гадоў, другі - дзесяць, абодва — з канфіскацыяй маёмасці. Цікава, што асуджаныя на момант нападу на банк былі дырэктарамі ўласных фірмаў.