Ураган на Гродзеншчыне каштаваў бюджэту Br570 млн.

Урон у памеры каля Br570 млн. нанёс з пятніцы па нядзелю Гродзенскай вобласці разгул стыхіі. Аб гэтым паведаміў галоўны спецыяліст цэнтра прапаганды і навучання пры Гродзенскім абласным упраўленні МНС Вадзім Хатэнка.

Паводле яго слоў, у 430 населеных пунктах было адключана электразабеспячэнне, пашкоджаны 52 жылыя дамы.

У Гродзенскім, Зэльвенскім, Лідскім раёнах у выніку прамога пападання маланкі загарэліся хлявы (урон склаў каля Br7,5 млн.).

У пятніцу вечарам пры моцным ветры элементы будаўнічых канструкцый жылога дома ў Ваўкавыску абрушыліся на мужчыну, які загінуў. У Лідскім раёне на беразе ракі пацярпеў 52-гадовы адпачывальнік, на якога ўпала абламаная ветрам галіна. Мужчына дастаўлены ў бальніцу.