У Мінску ў маршрутцы ад сардэчнага прыступу памёр расіянін

Пракуратура Савецкага раёна Мінска праводзіць праверку па факце смерці жыхара Санкт‑Пецярбурга, 1951 года нараджэння. Расіянін памёр у маршрутным таксі Полацк — Мінск, паведаміў старшы памочнік пракурора сталіцы Сяргей Балашоў.

Смерць наступіла 10 ліпеня ў 14.00, калі маршрутка ўжо прыбыла ў Мінск і рухалася па вуліцы Гамарніка ў бок аўтавакзала.

«Як паказала судмедэкспертыза, прычынай смерці стала вострая сардэчная недастатковасць», — адзначыў Балашоў. Было таксама высветлена, што мужчына знаходзіўся ў гасцях у Беларусі з 8 ліпеня.

БелаПАН