22-гадовы беларус патануў у Джэрсі Шор, ЗША

Здарэнне адбылося позна вечарам 4 ліпеня, у нядзелю.

Юнак з Беларусі, Антон Жмачынскі, які прыехаў у Злучаныя Штаты мінулым летам у пошуках працы, патануў падчас купання ў неадпаведным месцы, паведамляе мясцовая газета.

Беларус не вярнуўся на бераг пасля таго, як са сваім сябрам вырашыў паплаваць у раёне пляжа Восьмай вуліцы.

Паводле паліцыі Джэрсі Шора, смерць юнака была зафіксаваная ў гарадскім шпіталі.

АП