Выкладчык аднаго са сталічных ВНУ затрыманы па падазрэнні за атрыманне хабару

Пракуратура Мінска распачала справу па ч. 1 арт. 430 КК (атрыманне хабару) ў дачыненні да выкладчыка аднаго са сталічных універсітэтаў.

Як паведамілі ў Генеральнай пракуратуры, выкладчык падазраецца ў тым, што за спрыяльнае вырашэнне пытання здачы экзаменаў студэнтамі атрымаў 2.100 даляраў.

Падазроны затрыманы супрацоўнікамі галоўнага ўпраўлення па барацьбе з аргзлачыннасцю МУС.

Вячаслаў Будкевіч, БелаПАН