Наслядзіў

У доме, які знаходзіцца ў Паўднёвым мікрараёне г. Баранавічы, гаспадары зрабілі рамонт. Напрыканцы пафарбавалі падлогу, адчынілі фортку і пайшлі начаваць да сваякоў.

24-гадовы жыхар горада, які ўжо быў раней асуджаны, прыкмеціў, што фортка адчыненая, і ноччу залез у дом. Калі гаспадары вярнуліся раніцой, то ўбачылі, што зніклі відэамагнітафон, хатні кінатэатр, тэлевізар, пыласос, прас... Злодзей вынес усю тэхніку.

Аператыўнікі на пафарбаванай падлозе ўбачылі сляды, а праз некалькі дзён злодзея затрымалі. На ім быў абутак з фарбай на падэшвах. Пры вобыску знайшлі і частку тэхнікі, а астатняя была ўжо прададзеная.

Былая жонка разгневалася і...

Падчас застолля жанчына даведалася, што частку грошай мужчына паспеў прапіць. Гэтая навіна прывяла гаспадыню кватэры ў шаленства, і яна нанесла сабутэльніку некалькі ўдараў нажом. Мужчына загінуў на месцы, а забойцу арыштавалі.

Паміж чыгуначнымі станцыямі Прылуччына і Аранчыцы ў Пружанскім раёне загарэўся дамок пуцявога абходчыка. Падраздзяленне МНС хутка ўтаймавала агонь, але дом моцна пацярпеў, асабліва знутры. Выратавальнікі знайшлі ў пакоі цела жанчыны. У агні загінула сужыцелька 54-гадовага пуцявога абходчыка, мясцовая беспрацоўная 49 гадоў.