Падлетак на мікрааўтобусе сутыкнуўся з трыма прыпаркаванымі аўтамабілямі

Мікрааўтобус «Фальксваген» сутыкнуўся з аўтамабілямі «Аўдзі‑100», «Аўдзі‑80» і «Запарожац», якія былі прыпаркаваны каля праезнай часткі. У выніку разлілося паліва, і каб прадухіліць пажар, на месца здарэння прыбылі ратавальнікі, паведамілі ў Гомельскім абласным упраўленні МНС.

У аддзяленні ДАІ Мазырскага РАУС дапоўнілі, што віноўнік ДТЗ — 16‑гадовы падлетак, які, не маючы пасведчання, кіраваў мікрааўтобусам. У выніку здарэння ён атрымаў траўмы і быў шпіталізаваны ў раённую бальніцу.