У Наваградку зламыснікі аблілі фарбай міліцэйскія машыны

Як піша газета «Вечерний Гродно», невядомыя зламыснікі аблілі зялёнай фарбай асабістыя аўтамабілі двух мясцовых участковых.

Машыны былі прыпаркаваныя на неахоўных стаянках у розных раёнах горада. Фарбу, якой былі запэцканыя дзверцы і крылы аўтамабіляў, удалося адмыць. Цяпер міліцыянты шукаюць вінаватых.