А ў Лунінецкім раёне — 15‑гадовая школьніца

Аварыя адбылася 23 мая каля дзвюх гадзін ночы непадалёк ад вёскі Жалозы. Кіроўца аўтамабіля »Фальксваген‑Джэта» (24‑гадовы жыхар Ганцавіцкага раёна) на закругленні дарогі не справіўся з кіраваннем транспартным сродкам і з’ехаў у меліяратыўны канал.

У выніку ДТЗ пасажырка «Фальксвагена» — 15‑гадовая жыхарка вёскі Перунова загінула на месцы аварыі, яшчэ два пасажыры: 16‑гадовая школьніца (жыхарка вёскі Барсукова) і 17‑гадовы школьнік (жыхар вёскі Міжлессе), а таксама кіроўца з ударамі і пераломамі дастаўлены на лячэнне ў Лунінецкую цэнтральную раённую бальніцу.

Распачата справа па ч. 2 арт. 317 Крымінальнага кодэкса (парушэнне правіл дарожнага руху ці эксплуатацыі транспартных сродкаў).