У Пружанскім раёне разрабавалі грабніцу генерала

Невядомыя з сакавіка па май разрабавалі грабніцу польскага генерала Станіслава Лозер-Даніэля Быхаўца, якая знаходзіцца на могілках каля в. Барысікі.
 

Як сцвярджаюць даследчыкі, генерал, які служыў у расійскай арміі, нічым асаблівым на вайсковай службе не адзначыўся, але вядомы як захавальнік хронік каранёў беларускай нацыі. Быў пахаваны ў 1883 годзе.
 

Зараз у Міністэрстве культуры на разглядзе знаходзіцца хадайніцтва аддзела культуры райвыканкама аб наданні пахаванню статуса гісторыка-архіўных каштоўнасцей. Пакуль складана сказаць, на што паквапіліся злодзеі, якія пашкодзілі металічную труну. Аднак мяркуецца, што там было што ўзяць, бо генерал у тыя часы ўладарыў над вялікім зямельным абшарам, куды ўваходзіла і в. Барысікі.