На МКАД загінуў раварыст

У сталіцы пры перасячэнні Мінскай кальцавой аўтадарогі загінуў веласіпедыст, паведамляе ўпраўленне ДАІ ГУУС Мінгарвыканкама.

Трагедыя адбылася 16 мая прыкладна ў 16.15. Мужчына 1976 года нараджэння на аўтамабілі «Крайслер Таун Кантры», рухаючыся па МКАД з боку Ігуменскага тракту ў напрамку Партызанскага праспекта, учыніў наезд на мужчыну 1941 года нараджэння, які перасякаў кальцавую на ровары.

Ад атрыманых траўмаў раварыст памёр на месцы здарэння.

БелаПАН