У Жодзіне пад колы аўтамабіля трапіў трэцякласнік

Школьнік перабягаў дарогу па-за пешаходным пераходам.

На шчасце, вадзіцель паспеў адрэагаваць, і хлопчык атрымаў нецяжкія траўмы.

У Барысаве пацярпеў 82-гадовы мужчына, які таксама праігнараваў «зебру» і апынуўся пад машынай. У дзядулі – зламаны нос.

А ў Ратамцы лавілі ўгоншчыка. 33-гадовы мужчына, раней судзімы за крадзяжы, угон і хуліганства, вырашыў пакатацца на экскаватары. «Ваяж» спынілі супрацоўнікі Дзяржаўтаінспекцыі. У дачыненні да «экскаватаршчыка» узбуджана крымінальная справа.