На рынку ў Гродна абрынуўся павільён

Фото: s13.ru

На цэнтральным гарадскім рынку Гродна абрынуўся гандлёвы павільён. Некалькі чалавек атрымалі пашкоджанні, адна жанчына гаспіталізавана з цяжкімі траўмамі.

Як паведамілі карэспандэнту інтэрнет-выдання "Твой стыль" у аддзеле прапаганды гарадзенскага абласнога ўпраўлення Міністэрства надзвычайных спраў, грузавы аўтамабіль пры выкананні манеўра зачапіў кузавам каркасную канструкцыю павільёна і той абваліўся.

Падчас здарэння пад навесам працавалі чатыры чалавекі. З цяжкімі пашкоджаннямі гаспіталізавана 46-гадовая жанчына. Пры абвале даху канструкцыі яна атрымала закрытую чэрапна-мазгавую траўму, струс мозгу і траўму пазваночніка.