Выкралі ў сябе рыбы на 166 млн

Справа па ч. 4 арт. 205 Крымінальнага кодэкса (крадзеж у асабліва буйным памеры) распачата Мінскім РУУС у дачыненні да кладаўшчыка і рабочага вядомай рыбнай кампаніі.

Як паведамілі ў аддзяленні інфармацыі і грамадскіх сувязей УУС Мінскага аблвыканкама, маладыя людзі падазраюцца ў тым, што з 18 кастрычніка 2009 года па 24 студзеня 2010 года з камер халадзільных установак у складскіх памяшканнях ТАА недалёка ад пасёлка Калодзішчы Мінскага раёна ўкралі свежазамарожаную рыбу на суму больш як 166 млн. рублёў.