Жыхар Рагачова са зброяй у руках спрабаваў абрабаваць банк
27.01.2010 10:03
—
ЧП
Жыхар Рагачова (Гомельская вобласць) са зброяй у руках спрабаваў абрабаваць аддзяленне ЗАТ «Альфа‑Банк».
У рагачоўскае аддзяленне Альфа‑Банка 26 студзеня ў 11:55 зайшоў мясцовы жыхар 1989 года нараджэння і, пагражаючы пісталетам касірам, стаў патрабаваць грошы.
Аднак адзін з супрацоўнікаў банка паспеў націснуць «трывожную кнопку», і праз некалькі хвілін на месца прыбыў нарад дэпартамента аховы МУС, які і затрымаў гора‑рабаўніка.
У дачыненні да нападніка заведзена крымінальная справа.