Выходзіў з трамвая — быў збіты аўтамабілем

У першы дзень новага года на вуліцы Якуба Коласа ў сталіцы на прыпыначным пункце «БНТУ» пад колы аўтамабіля трапіў 16‑гадовы мінчук.

Выпадак адбыўся ў той момант, калі падлетак выходзіў з трамвая. З шматлікімі траўмамі ён быў дастаўлены ў шпіталь.

У ДАІ адзначылі, што ў новым годзе гэта першае ДТЗ, у якім пацярпеў чалавек. Усяго з 1 па 3 студзеня ў Мінску зарэгістраваныя 75 дарожна‑транспартных здарэнняў. Затрыманыя 42 п’яныя кіроўцы.