Схаваўся ў лесе

На дарозе каля в. Горск Бярозаўскага раёна на вучанiцу сярэдняй школы, якая ехала на веласiпедзе, нехта зрабiў наезд на аўтамашыне i з месца здарэння ўцёк.

Аператыўнiкi выйшлi на след вiноўнiка аварыi. Вадзiцеля з аўтамашынай знайшлi позна ўвечары ў лесе каля в. Боркi.

14-гадовая дзяўчынка загiнула. На веласiпедзе былi святлоадбiвальныя элементы.

Дарэчы, за мiнулы тыдзень на Брэстчыне ў аўтааварыях загiнула 5 чалавек, 29 траўмавана.

Здарылася трагедыя ў адной слонiмскай сям'i.

21-гадовая мацi купала ў ванне свайго маленькага сына. На некалькi хвiлiн яна пакiнула без нагляду хлопчыка, i ён у ванне з вадой патануў. Хлопчыку было 1 год i 5 месяцаў.

Па гэтым факце Слонiмскай пракуратурай праводзiцца праверка.