Махлярка на «садзеянні» ў атрыманні віз зарабіла 35 тыс. даляраў

Некалькі крымінальных спраў за махлярства распачата ў Гродне ў дачыненні да 47‑гадовай мясцовай жыхаркі.

Як паведамілі ў аддзяленні інфармацыі і грамадскіх сувязяў УУС Гродзенскага аблвыканкама, з заявамі аб злачынных дзеяннях махляркі ў міліцыю звярнуліся больш за 35 грамадзян.

У ходзе разбору высветлілася, што сёлета жанчына распаўсюдзіла сярод сваіх знаёмых інфармацыю аб тым, што можа аказаць дапамогу ў атрыманні у Польшчу. Ахвотных аказалася шмат. У «працу» махлярка брала ў грамадзян пашпарты і грошы. Спачатку сумы складалі каля 150 даляраў ЗША, аднак з часам цэны раслі. Значна павялічвалася і сума за тэрміновасць атрымання візы. У кастрычніку жанчына знаходзілася ў бальніцы, а потым знікла ў невядомым напрамку. Цяпер яна адшукваецца. Некаторым грамадзянам махлярка пашпарты ўсё ж вярнула. Некаторым пераслала іх поштай. Зваротны адрас на канвертах адсутнічаў.

Сума, якой удалося завалодаць махлярцы, перавышае 35 тыс. даляраў. У міліцыі не выключаюць, што пакуль вядомы не ўсе злачынныя эпізоды ў біяграфіі жыхаркі Гродна.