У самаволцы спрабаваў угнаць аўто

Супраць салдата Унутраных войскаў распачатая крымінальная справа.

Крымінальная справа паводле ч. 2 арт. 207 КК (рабаўніцтва) распачатая ў адносінах да 20-гадовага салдата тэрміновай службы ўнутраных войскаў МУС. Як паведамілі ва УУС Мінаблвыканкаму, салдат быў затрыманы ноччу 6 кастрычніка супрацоўнікамі крымінальнага вышуку ў Мінску. Стала вядома, што амаль суткі таму ў вёсцы Раўбічы (Мінскі раён), ён спрабаваў завалодаць легкавіком «Форд Гэлаксі», які належыць жыхару Астрашыцкага Гарадка. Пры гэтым салдат пагражаў гаспадару рыдлёўкай і нажом. Аўтаўладальнік не здаўся без бою. Вайсковец параніў яго і збег. Перад гэтым здарэннем ён самахоць пакінуў вайсковую частку №3310 унутраных войскаў, якая дыслакуецца ў вёсцы Аколіца Мінскага раёну.

Паводле БелаПАН