«Белтэлекам» сумесна з аператарам ААТ «Еўратэл» (даччынае прадпрыемства ААТ «МТС») правялі работы па пашырэнні знешняга
інтэрнэт-шлюза Беларусі на 10 Гбіт/с у расійскім напрамку.
Такім чынам з 17 лістапада знешні інтэрнэт-шлюз Беларусі складае 57 Гбіт/с.
Таксама ў лістападзе «Белтэлекам» пачынае тэставанне канала ў заходнім напрамку сумесна з найбуйнейшымі еўрапейскімі пастаўшчыкамі інтэрнэт-паслуг. Папярэдняе пашырэнне інтэрнэт-шлюза на 10 Гбіт/с — таксама ў расійскім напрамку — адбылося 9 жніўня.
***
«Белтэлекам» быў створаны 3 ліпеня 1995 года. З’яўляецца першасным інтэрнэт-правайдэрам у Беларусі, ажыццяўляе перадачу даных па камутуемай сетцы агульнага карыстання, забяспечвае доступ да міжнародных і беларускіх рэсурсаў інтэрнэта, дае ў карыстанне міжнародныя лічбавыя патокі і каналы практычна любой ёмістасці, забяспечвае роўныя ўмовы працы аператараў мабільнай сувязі Беларусі шляхам падключэння іх да міжнароднай станцыі, дае міжгародні і міжнародны роўмінг. Абаненцкая база кампаніі — больш за 3,8 млн.