Byfly стане больш хуткім, але менш надзейным

З 1 жніўня «Белтэлекам» у два разы павялічыць хуткасць на безлімітных тарыфных планах «Дамасед» гандлёвай маркі byfly.

Адпаведны загад ужо падпісаны гендырэктарам кампаніі. Разам з тым пашырыць вонкавы шлюз плануецца толькі з 1 верасня.

Як паведамляе «Еўрарадыё», на долю 600 тысяч абанентаў byfly прыпадае больш за 2/3 усяго інтэрнэт-трафіку краіны. У такіх умовах, адзначаюць аналітыкі, інтэрнэт ад byfly у жніўні будзе ледзь ліпець, бо на безлімітны тарыфах вялікія абмежаванні на ўшчыльненне трафіку.

Няпроста будзе працаваць і прыватным інтэрнэт-аператарам, якім «Белтэлекам» аддае канал па прынцыпе «што засталося».